60 МЯНГАН ДОЛЛАРОО КАЗИНОД АЛДСАН НЬ…

Чингэлтэй дүүрэгт оршин суух Төмөрчөдөрийн Ивээлт хэмээх, 60 гаруй насны эр Монгол төдийгүй харь орны шоронд хүртэл хоригдож явсан нэгэн ажээ. Тэрбээр 1990-ээд оны үед Бээжин–Москвагийн чиглэлд транзит наймаа хийж, их хэмжээний мөнгө эргэлдүүлж явсан боловч хожим амьдрал нь огцом өөрчлөгджээ.

Тэрбээр өөрийгөө хүмүүс 120 мянгатын атаман байсан Итгэлттэй андуурдаг тухай ярьж, “Би Итгэлт нь биш, Ивээлт нь шүү дээ” хэмээн яриагаа эхэлсэн байна.

Найз нөхөд нь түүнийг нэг жил Монгол руу буцаж ирнэ гэж яваад цааш сураггүй болсон гэж ярьдаг байжээ.

Түүний хэлснээр энэ бүхэн 1994 онд эхэлсэн байна. Тэр үед Москва хотод казино тоглож байгаад тухайн үед өөрт байсан бүх мөнгө буюу 60 мянган ам.доллароо алдсан аж. Үүндээ сэтгэлээр унаж, гэртээ харьж хэд хоног архи уусан ч удалгүй ухаан орж, үлдсэн бараагаа Москвагийн зах дээр заржээ.

Найз нөхдөөсөө бага зэрэг тусламж авч, дөрвөн мянга гаруй доллартай болсон тэрбээр Оросын Москва–Санкт-Петербургийн чиглэлд Турк бараа зөөж, хэдэн сар наймаа хийсэн байна. Тухайн үед савхин куртка зэрэг барааг хямд авч, нэлээд өндөр үнээр зардаг байсан тул боломжийн ашиг олдог байжээ.

Гэвч Орост бизнес хийх нь амар байгаагүй. Дээрэм, хулгай, янз бүрийн хэрэг төвөг байнга гардаг байсан аж. Нэг удаа наймаагаа дуусгасныхаа дараа хэдэн монгол хүнтэй нийлж архи ууж байгаад хэрэгт холбогджээ.

Ингээд Оросын шоронд хоригдсон байна.

Шоронгоос гарсны дараа тэрбээр дахин амьдралаа босгохоор оролдож, янз бүрийн ажил хийжээ. Сонин зарж, яндан цэвэрлэж, бааранд сав угааж, үйлчлэгч хүртэл хийж үзсэн байна. Урьд нь Бээжин–Москвагийн хооронд транзит наймаа хийж, их хэмжээний мөнгө эргэлдүүлж явсан хүн нэгэн жижиг бааранд сав угааж суух хүртэл амьдралын олон өнгийг үзсэн нь энэ.

Гэсэн ч тэр өнгөрсөн алдаанаасаа сургамж авч, амьдралаа шинээр босгохоор шийджээ. Хаана хямдралтай бараа гарна, тэнд очиж өвөл, зуны хувцас болон төрөл бүрийн хэрэгцээний бараа цуглуулсаар байв.

Ингэж явсаар 1996 он гэхэд Монгол руу нэг контейнер бараа явуулж чадсан байна.

Гэвч удалгүй мөнгөгүй болжээ. Контейнерээ ачуулж дуусах хүртэл их хэмжээний зардал гарсан тул Монгол руу буцах мөнгөгүй болсон аж. Германд визийн хугацаагаа хэтрүүлж, хууль бусаар ажиллаж байсан учраас хилээр гаргахдаа асуудалтай гэдгээ мэдэж байв.

Тиймээс Германы өөрийн зардлаар Монгол руу буцах арга хайжээ.

Нэг орой гудамжинд байсан жижигхэн киоскийн хаалгыг хүчээр онгойлгон орж, идэж уух зүйл аваад тэндээ унтсан байна. Шөнө дунд эргүүлийн цагдаа ирж түүнийг баривчилжээ.

Ингээд тэр Германы шоронд 17 хоног хоригдсон байна.

Түүний ярьснаар Германы шорон Монголынхоос огт өөр байжээ. Камер нь